PENIRANG RIMO MUKUR

Joni Hendra Tarigan

Ibas ateta ngena kita erkuan,,
Ibas ateta keleng si pudun arih,,
Ibas aku la arus bagem kusimbak padanku,,
Ngarap arih lanai mosar, geluhku pe nggom kuborohken,,

Ulihi aku Ma Tigan nindu,,
La kel lit orat geluh kubaba adi la kin man bandu,,
Adi lanai kin lit dalanku tampil, bagem erturang lah gia aku atan
Gelah lit dalanku ras kam asa metua, bagem nindu nami2 agi,,
La terbuali aku pusuhku agi,,
Bagem gia nggo sempat sontar pusuh Ma Tigan,,
Kualo-alo kam Nde Karongku, erjanji ibas pusuh ngkelengi kam pagi asa metua,,
Cirem janah tawa kel kita impal gia Bandung Medan kel si nirangken kita,,

Ndauh kita erdalan pekepar lawit,,
La kepe aku ngenca singgah i bas pusuhndu
Erteman me kam ras si deban nambari tedehndu nandangi aku,,
Aku nge sikelengindu, sideban temanndu erkuan,,

Lanai kel kam erberita sayang
Si ugapana pe la kam ertenah,,
Ibas ukurku terdaram, peduakalindu kepe
Nontarken ateku keleng,,,

Kubaba ukurku ceda, ngepari nageri kemulihenta
Sirang menda kita Bre Iting la bas arih,,
Gia lit si ngkelengi aku, ganjih sambarndu,,
Iluhndu ndabuh erbahan ukurku erkusur

Ula kam teriluh Karo,
Gia lit si deban si ngkelengi aku,,
La erkusur ateku jadi nandangi kena,,
La luntur ateku keleng,,

Bagem karo,, sabar kam lebe
Kentisik nari dung me sekolahku
Mulih me aku ku nagerinta,,,
Je pagi si dungi arih-arihta,,,,

Tawa kel kita impal gia Belanda Naman kel sinirangken kita,,,
Ergiahgiah me Ma Tigan pekepar lawit
Gelah banci lampas sidungi arih-arihta,,
Si ulihi ateta keleng

Tapi la kel aku ngasup mbegi beritana impal,,,
Enggo kepe kam njabuken bana,,,
Ibas kam teriluh aku nadingken Indonesia
La kel aku tek mbegi-begisa tambar tedehku

Lasam me sumpah janjinta ndungi arih si lolo...
Erdemu kam ras si deban, ibas aku kel sikelengindu
Arah temanta pe kam ertenah, maka aku kel ngenca simantimankendu,,

Teriluh me Ma Tatigan natap arih si mosar,,
Banci kepe sambar ukurndu, alu sada rimo mukur,,,
Lenga bo ndekahsa kam ngamburken iluh,,
Segelah si ulihi ateta jadi,,,

Ntah lanai kin ukurndu pengguruindu,,,
Ntah tabas kel singarak-ngarak kena,
Maka lanai kel tertimaindu dung sekolahku,

Mbergeh erdeso angin sirembus,,
Kukusikken pusuhku tenah pusuhku keleng nandangi kam,,
Mejuah-juah dage kam njabuken bana Karo,
Jumpa bulan matawari,,,

Gia rimo mukur si nirangken kita,,
Tapi e lah jadi persada arih ras bulangendu,,
Kukelengi kam asa lalap gia sideban teman geluhndu.
Sangap kam njabuken bana Nd. Tepuku,,


ku buat arah artikel sora sirulo